I found an old letter I have written back in 2004 to my Nana Fatim (may she rest in peace). The printed letter was in a file on my computer that I have not looked at for years.
I am thankful that someone read this letter to her in Baghdad because I did speak to her few weeks after that letter was sent and she told me she was the photos I sent. Oh I miss her so much and I know my words are echoed by all my sisters and brothers who also loved her the same if not more.

She was one a amazing woman. I love her forever.

إلى حبيبة قلبي نه نه فاطم… إلى ٲحن و أعز نه نه باعالم كله نه نه فاطم

 

حياتي و نور عيوني اتمنى من كل أعماق قلبي ان تكوني على خير و صحة عافية.

عمري نه نه فاطم والله مشتاقة لكِ إلى حد مستحيل يوصف بالكلمات وصدقيني نه نه فاطم ما يمر علي يوم واحد – يوم واحد إذا ما أذكر إسمچ الطيب على لساني لو بقلبي إلي ابداً ابداً ماينساچ ولو يوم واحد.

 

نه نه فاطم انتي غّيرتي حياتي كلتها بقلبكِ و بطيبكِ و بصوتكِ الدافي و إيدچ الناعمة حبيبتي و عمري نه نه فاطم انتي احسن معلمة بها لعالم كلها و كلشي دا أسوي بكل يوم هنا يذكرني بيچ نه نه فاطم ولله ولله إذا بس بيدي نه نه فاطم انطي حياتي الباقية كلتها بس اشوفچ فد لحضة و أبوس إيديچ الحلوة …

 

نه نه فاطم انتي علمتيني كلشى اعرفة اليوم. اني هواية احبچ نه نه فاطم ولله بس لو بيدي وبس لو عندي إمكانية, ولله لا تشوفيني علا بابچ واگفة بدل هذي الورقة الي اتجنني لاُنه هي بيدچ بهاي اللحظة بدالي اني لوزان ٲو مثل ما كنتي انتي تسميني لوزينه.

 

نه نه فاطم اني اعرف اشگد إنتي تحبينا واعرف انو إنتي تعبتي علينا هواية هواية  بس اريدچ تعرفين انه لو من صدگ چنت اني أعرف الغربة هلگد راح تبعدنا و هلگد صعب و غالي الرجوع اليك, والله والله لا كنت احضنچ بكل قوتي  وما رحت ذاك اليوم من ودعناچ بأربيل گبال شقة خالو صباح. .

 

 

هالعالم كلها بچفة وإنتي لوحدك بچفة   نه نه فاطم هلگد إنتي لوحدك هلگد عزيزة عليه ….

حبيبتي   نه نه فاطم سامحيني لأنه ماحاولت بجهد أكثر انه ابقى على اتصال بيچ و بخوالي الأعزاء أو خاله أميرة. رجاءً وصلي إعتذاري الخاص لهم.

 

انشاءلله الأوضاع تتحسن باسرع وقت حتا الناس تبدأ تعيش بامن و  سلام بعراق الوطن –على گولتچ   نه نه فاطم.

 

وصلټني صورۃ واحدۃ وفيھا إنتي ومجموعۃ اطفال و خالۃ ٲميرۃ.

 

ابعثلچ بهذى الرسالة كم صورة جديدة إلي و لإبني وزوجي  إلي  ٲبدا مايمل من سمع حكايات احكيها له عنك وعن طيبتچ و همين ابعثلچ عنواني هنا بكندا.  حاليا آني حامل خمس شهور و إنشاله رحأولد طفلي الثاني بشهر شوباط السنه الجايه.

 

مع السلامة   نه نه فاطم گيان به قوربانت ءه بم. سلامي الى الجميع…

 

لوزينه